ராசி: மிதுனம், உருவம்: வீணை பிடித்த பெண்ணும் கதை பிடித்த ஆணும், அதிபதி: புதன் , நக்ஷத்திரங்கள்: மிருகசீரிஷம் 3 4, திருவாதிரை, புனர்பூசம் 1 2 3, தமிழ் மாதம்: ஆனி, உச்சம்: இல்லை, நீச்சம்: இல்லை , மூலதிரிகோணம்: இல்லை, நட்பு: சந்திரன், சுக்கிரன், சனி, ராகு, கேது, சமம்: சூரியன், பகை: செவ்வாய், குரு, அங்கம்: மார்பு, பாலினம்: ஆண், எண்: ஒற்றை படை , தன்மை: உபயம், இரட்டை , காலம்: எதிர்காலம், பஞ்சபூதம்: காற்று , காலபுருஷன்: காமம், திசை: மேற்கு, திக்கு: கிழக்கு, வடிவம்: சமம். நிறம்: கருப்பு, குணம்: குரூரம், நோய்-வாதம், பிணி-வாதம், தாது-ஜீவன், உயிரினம்: இருகால் மனிதன், இருப்பிடம்-இடையில், பார்வை-இரவில் குருடு, பலம்-இரவில், வேறு பெயர்கள்-சயமகள், தண்டு, விழவு, இரட்டை, பாடவி, பாடவை, யாழ், வீணை.

பொதுபலன்: இனிமையான பேச்சு, சிறந்த கல்வியாளர், நகைச்சுவை பேச்சாற்றல் மிக்கவர், இலக்கியத் திறன் கொண்டவர், சுறு சுறுப்பான வேலையாள், பரபரப்பானவர். எழுதுவதற்கும், படிப்பதற்கும் விருப்பம் அதிகம் உள்ளவர், மேதைத் தன்மை, புத்தி கூர்மை, மாறக் கூடிய சிந்தனை, வெளியில் சென்று செய்யும் தொழில்களில் சிறப்பானவர்கள். சுய கட்டுப்பாடு மிக்கவர். தந்திரக்காரர்கள் ஏமாறுதல் மற்றும் பிறரை ஏமாற்றும் தன்மையுடையவர்கள். கூர்மையான அறிவுடையவராகவும், அதிகம் உணர்ச்சி வசப்படுபவராகவும், அபார அறிவாற்றலையும், ஆராய்ச்சி மனோபாவத்தையும் கொண்டிருப்பார்கள். எதையும் சுலபமாய் புரிந்து கொள்வார்கள். படிப்பில் முதன்மையாயிருப்பார்கள். எதையும் துருவித் துருவி ஆராய்வார்கள். அவசர புத்தியும், பதட்ட குணமும் கொண்டிருப்பார்கள். நடைமுறைக்கு ஒவ்வாத கற்பனைத் திட்டங்களில் மிதப்பவராதலால் பொருளாதார, வியாபார விஷயங்களில் பெரும் முன்னேற்றங்களை அடையமாட்டார்கள். ஒரு ஊரிலோ அல்லது ஒரு தொழிலிலோ நிலையாக இருக்கமாட்டார்கள். மனிதனையும், சூழ்நிலைகளையும் புரிந்து கொள்ளும் ஆற்றல் உள்ளவராயினும், கூடுதலான அறிவாற்றலும், சோம்பேறித்தனமும், இவர் முன்னேற்றத்திற்கு தடைகளாயிருப்பவை. யாராவது முட்டாள்தனமாக பேசினால் திட்டுவார்கள். உணர்ச்சிவசப்பட்டு ஆத்திரமாகப் பேசுவார்கள். மூளை சம்பந்தப்பட்ட நோய்களும், நரம்பு சம்பந்தமான நோய்களும் ஏற்படும் வாய்ப்புகள் உண்டு. ஆசிரியர், ஏஜென்சி, ஜோதிடம், எழுத்தாளர், வழக்கறிஞர், வங்கிப் பணி ஆகியவற்றில் பணி புரிவார்கள்.