ராசி – ரிஷபம், அதிபதி – சுக்கிரன், உருவம் – எருது, நக்ஷத்திரங்கள் – கார்த்திகை 2 3 4, ரோகிணி, மிருகசீரிஷம் 1, 2, தமிழ்மாதம் – வைகாசி, உச்சம் – சந்திரன், நீச்சம் – ராகு, கேது, நட்பு – புதன், சனி, சமம் – செவ்வாய், பகை – சூரியன், குரு, மூலதிரிகோணம் – சந்திரன், அங்கம் – முகம், பாலினம் – பெண், எண் – இரட்டை, வடிவம் – குட்டை, நிறம் – வெண்மை, தன்மை – நிலையானது, காலம் – நிகழ் காலம் , பஞ்சபூதம் – நிலம் , காலபுருஷன் – கர்மம் , திசை: தெற்கு , திக்கு: கிழக்கு, நோய் – ஜலதோஷம், பிணி – வாதம், தாது – மூலம், உயிரினம் – நாற்கால் மிருகம், இருப்பிடம் – உள்ளிடம், பார்வை – பகல் குருடு, பலம் – இரவில், நீர் தன்மை – சிறிதளவு நீர், வேறு பெயர்கள் – மால், விடை, பாறல், புல்லம், நந்தி, மா, பசு, ஏறு, மாடு.

எண்ணியதை செயல்படுத்துவார்கள். மகிழ்ச்சி மிக்கவர். அழகு, இசையில் நாட்டம், உண்மையான பாசத்துடன் கூடியவர்கள், கவர்ச்சியுடையவர்கள், புகழ், பெருமையுடையவர்கள், வியாபாரத் திறமை, முதியவரை மதித்தல், அன்புடைமை பெண்களுக்காக தியாகம் செய்தல், நன்னடத்தை, விளையாட்டு குணம், மிதமான கோபம், கோபப்படுத்தினால் வெறித்தனமான கோபம் உடையவர்கள், சிறந்த ஞாபக சக்தியுடையவர்கள், புதியவர்களால் புரிந்து கொள்ள முடியாமை, நிலையான தன்மை, காளையைப் போல் செயல்படுதல், சுயநல விரும்பியாக இருப்பார்கள். அமைதியானவராகவும், பொறுமையானவராகவும், லட்சியத்தில் உறுதியானவராகவும், உழைக்க அஞ்சாதவராகவும் நேர்மையானவராகவும், பிடிவாத குணமுடையவராகவும் இருப்பார்கள். கண் நோய், உடல் பலவீனம், கருப்பையில் நோய்கள் ஏற்படும் வாய்ப்புகள் உண்டு. இரும்பு, எள், எண்ணெய், புண்ணாக்கு, கம்பளி, சைக்கிள் கடை, சினிமா, சங்கீதம், ஷாப்கடை, ஜவுளிக்கடை, ஸ்வீட் ஸ்டால் போன்ற தொழில்கள் ஏற்றது.